منتديات هالو دوت جدعان

قهلن و سهلن بكل شاب و كل فتاء .. قفشناك يا عم الزاير .. إنتا معانا النهردة فى منتديات هالو جدعان .. منتدى جامد موووووز .. مش هنقولك سجل .. هنقولك شوف بنفسك و أحكم لو عاجبك سجل و انضم مع الجدعان هتنورر .. هتبقا نجفة يعنى .. و أول ما تسجل صدقنى ، هنستقبلك أحسن إستقبال هنرش ورد بقه و هتبقا هيصة

انضم إلى المنتدى ، فالأمر سريع وسهل

منتديات هالو دوت جدعان

قهلن و سهلن بكل شاب و كل فتاء .. قفشناك يا عم الزاير .. إنتا معانا النهردة فى منتديات هالو جدعان .. منتدى جامد موووووز .. مش هنقولك سجل .. هنقولك شوف بنفسك و أحكم لو عاجبك سجل و انضم مع الجدعان هتنورر .. هتبقا نجفة يعنى .. و أول ما تسجل صدقنى ، هنستقبلك أحسن إستقبال هنرش ورد بقه و هتبقا هيصة

منتديات هالو دوت جدعان

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.





2 مشترك

    أشهر (4) شعارات مصرية ( عرض وتعليق)

    MeMo
    MeMo
    المـديـر العـــام
    المـديـر العـــام


    [ Mms ..~ : أشهر (4) شعارات مصرية ( عرض وتعليق) Mms-25
    الجنس : ذكر عدد الرسائل : 2252
    هوايتى : النــــت
    العمل : العمل عمل ربنا
    الإقآمهـ : هنا أهوه
    نقاط : 201
    تاريخ التسجيل : 02/01/2007

    icon9 أشهر (4) شعارات مصرية ( عرض وتعليق)

    مُساهمة من طرف MeMo الخميس 09 أبريل 2009, 9:17 pm


    أشهر (4) شعارات مصرية ( عرض وتعليق)


    1- مدرستى نظيفة وجميلة ومتطورة
    الشعار ده ديما تلاقيه على أسوار المدارس الحكومية ونادرا ما تلاقيه مكتوب على أسوار المدارس الخاصة ..ورغم إننا وإحنا طلبة إذ فجأة وبين يوم وليلة لاقينا مكتوب على أسوار مدارسنا ( مدرستي نظيفة وجميلة ومتطورة ) إلا إن إدارة المدرسة او حتى المدرسين لم يحاول أحد انه يشرح لنا الشعار ده وايه المطلوب مننا بالضبط علشان تكون مدرستنا نظيفة وجميلة ومتطورة ..وكأن المدرسين والادارة هما كمان صحوا الصبح وفجئوا بالشعار ده زيهم زينا .. وشىء طبيعي بأه فى ظل هذا الاذبهلال العام من طلبة ومدرسين وإدارة إن مدارسنا الحكومية تكون مقلب للزبالة .. ونتيجة لهذا المقلب الزبالي تفتقت أذهان إدارة المدرسة عن فكرة لم يسبقهم إليها لا إنس ولا جان وهى تحويل طلبة المدرسة بالدور وتبعا لترتيب اسماء الطلبة فى الكشف إلى ( زبالين) وأطلقوا على العملية دي إسم ( الخدمة المدرسية ) وهكذا كل طالبين فى الكشف بينزلوا زبالين أقصد خدمة .. فيصعدوا إلى الفصول أثناء طابور الصباح ليقوموا بالتنظيف قبل ان يصعد لطلبة إلى الفصول من الطابور .. والغريب إن الطلبة قد رضوا ووافقوا على هذا الوضع فرحا منهم بأنهم موش حيقفوا طابور الصباح .. فكان منهم انهم بيصعدوا للفصول للعب بدلا من التنظيف .. هذه هى مدارسنا النظيفة والجميلة والمتطورة التى حولت طلبتها من طلبة للعلم إلى زبالين .


    2- لو لم اكن مصريا لوددت أن أكون مصريا
    هذا الشعار من أجمل الشعارات المصرية من وجهة نظري .. وقال الشعر ده الزعيم
    ( مصطفى كامل) .. ويربطني بهذا الزعيم حالة وجدانية خاصة ..فأنا احب وأحترم هذا الرجل وأرى أنه الوحيد على مدار تاريخ مصر الحديث اللى ىيستحق لقب ( الزعيم) دون منازع .. وأطلق ( مصطفى كامل) الشعار ده متغزلا فى معشوقته مصر .. وبعض الدعاة بتقولك إن الشعار ده حرام .. طب ليه ؟! ، يقوللك علشان الشعار ده بيعلو بالنعرة الوطنية فوق الرابطة الاسلامية ! وطبعا هذا الكلام فى غير موضعه أصلا وتحريم كمان فى غير موضعه لإنه ليس حراما إن الانسان يمتدح وطنة ويفخر بالانتساب إليه ولم يعلوا مصطفى كامل به مصطفى كامل قط فوق الرابطة الاسلامية بدليل أنه كان من دعاة ربط مصر بالدولة العثمانية لبيان عدم مشروعية الاحتلال البريطاني فى المحافل الدولية .



    3- لا صوت يعلو فوق صوت المعركة
    إزداد الشعار ده فى الرواج بعد نكسة 67 وأمل المصريين كلهم فى معركة لرد الكرامة وبالتالى حشد كل الامكانيات والقوى لتلك المعركة المرتقبة ومن هنا جاء هذا الشعار ( لا صوت يعل فوق صوت المعركة ) وهو وإن كان له جوانب إيجابية إلا أن الجزء السلبي فيه كان مخفي تحت بريق هذا الشعار وهو عدم وجود أى إصلاحات حقيقية للأشياء اللى كانت سبب فى النكسة تحت شعار موش وقته ولا صوت يعلو فوق صوت معركتنا وكأن الانتصارات تصنعها الشعارات .


    4- مصر للمصريين
    رفع الشعار ده فى فترة من الفترات مجموعة من المثقفين المصريين أشهرهم ( أحمد لطفي السيد) وقد يبدو يعنى ان الشعار ده اشطة وزى الفل لكن فى واقع الامر الشعار ده مطلعش إلا لفصل مصر عن جسد الامة الاسلامية وخصوصا الدولة العثمانية .. والغريب إن اشهر من رفع الشعار ده وهو أحمد لطفي السيد واللى تم تدريسة لنا فى مادة التربية الوطنية على انه مثال للوطنية كان شخصية مهادنة للأنجليز بل ووصل به الامر انه وصف قادة الاحتلال الانجليزي أنهم ولاة امور المصريين وهاجم اللغة العربية الفصحى وذهب لاسرائيل وإفتتح الجامعة العبرية .. واتفرج يا سلام على اللى رفعوا شعار ( مصر للمصريين ) ..!!
    بقلم
    أكرم صبري
    صغيرة ع الحب
    صغيرة ع الحب

    نيولوكى جديد بس كميل


    نيولوكى جديد بس كميل


    عدد الرسائل : 11
    نقاط : 15
    تاريخ التسجيل : 11/04/2009

    icon9 رد: أشهر (4) شعارات مصرية ( عرض وتعليق)

    مُساهمة من طرف صغيرة ع الحب الثلاثاء 14 أبريل 2009, 5:15 pm

    فرحان زي الاهبل ههههههههههههههههههه حلوة بتاعه مدرستى جميله نظيفه دى
    MeMo
    MeMo
    المـديـر العـــام
    المـديـر العـــام


    [ Mms ..~ : أشهر (4) شعارات مصرية ( عرض وتعليق) Mms-25
    الجنس : ذكر عدد الرسائل : 2252
    هوايتى : النــــت
    العمل : العمل عمل ربنا
    الإقآمهـ : هنا أهوه
    نقاط : 201
    تاريخ التسجيل : 02/01/2007

    icon9 رد: أشهر (4) شعارات مصرية ( عرض وتعليق)

    مُساهمة من طرف MeMo الثلاثاء 14 أبريل 2009, 7:55 pm

    ههههههههههههههههه ، يا سلااااام .. عجبتك أوى

    طيب ، شكرا ً ع الرد و المرور يا مس صغيرة ع الحب

      مواضيع مماثلة

      -

      الوقت/التاريخ الآن هو الجمعة 29 مارس 2024, 2:36 pm