من هو تيمووو !!

ازيكو يا جماعه معلش بقه انا هاتكلم فى موضوع جامد وممكن يزعل ناس منى خاصه لولو :)
الموضوع بيتكلم عن تامر حسنى..
يعنى بصراحه انا شايف ان تامر حسنى والشهير بتيمو واخد اهميه جامده قوى زايده عن حدها مش عارف ليه مع انه
عادى يعنى .. شاب عادى وكمان اقل من العادى " دا رايى يعنى " كل اللى فيه ان صوته حلو وعادى برده فى كتير
جدا صوتهم حلو وبعدين دا ممثل قبل ما يبقى مغنى . بيجى فى القنوات بريئ ومالوش فى حاجه ومحترم وذات خلق و
عطوف وحنين وحبيب وانه اتخان ولكن عمره مايخون ودا كله مش صح يعنى بس الحقيقى بقه ان فى ناس كتيره جدا جدا احق اننا نبقى من معجبيها عن تيمو واساسا الفئه دى بتاعه الممثلين والمغنين فئه تعبانه يعنى .
اصل الواحد ببشوف حاجات غريبه يعنى ممكن تقولو اغرب من هانى نفسه :) ان البنات معجبه بيه قوى وباخباره
ومافيش حد بيسال عنى :D :D ..
دا واحد غنى لمصر ولو كنا بنحبها وبتاع وهوا اصلا متهرب من الجيش ومعجبيه زعلو قوى انه اتقبض عليه ياسلام
هوا مش راجل ولا ايه ؟ والمفروض يأدى الخدمه ولا هوا بيحبها على التليفزيون بس ..
انا عن نفسى بسمعله بس مش لدرجه انى اعرف اخباره وكلام من دا وصوره وبتاع . طبعا سواء هوا ولا كل الشله
بتاعته واللى زيه يعنى بس هوا اخد اكتر من حقه جامد يعنى ..
وفى النهايه احب اقول ان الكلام دا لا يمس معجبينه بشيئ . انا بحبهم يعنى بس هوا لأااااا و...... بس
البروف

ازيكو يا جماعه معلش بقه انا هاتكلم فى موضوع جامد وممكن يزعل ناس منى خاصه لولو :)
الموضوع بيتكلم عن تامر حسنى
تؤتؤ ليه بس كده يا بروف
اولا يا سيدى الكلام ميزعلش حد ومش ممكن يزعلنى لان اختلاف الراى لا يفسد للود قضيه:)
يعنى بصراحه انا شايف ان تامر حسنى والشهير بتيمو واخد اهميه جامده قوى زايده عن حدها مش عارف ليه مع انه
عادى يعنى .. شاب عادى وكمان اقل من العادى " دا رايى يعنى "
طبعا لازم يكون عادى ما هو مفهوش حاجه زياده عن اى بنى ادم واللى محبب الناس فيه انه عادى شاب مكافح كافح لغايه لما وصل للى نفسه فيه يعنى بيمثل شباب كتير من شبابنا (طبعا مع احترامى الشديد لرايك)
كل اللى فيه ان صوته حلو وعادى برده فى كتير
جدا صوتهم حلو وبعدين دا ممثل قبل ما يبقى ميكون مغنى
صوتو فعلا حلو اوى بس يمكن زى ما انت بتقول ان فى ناس صوتهم احلى منه بس ده اللى صوته بيوصلنا لانه احساسه عالى اوى فى اغانيه بيقدر يوصلنا الاغنيه صح وبنعيش معاه فى اغانيه وكل الناس بتحبها وبتتاثر بيها سواء كانت اغانى فرح او حزن زى طبعا اغانى كتي منها (ميحرمنيش منك - بعيش _حرقه دم) وحاجات كتيروبعدين ايه المشكله انه ممثل قبل ما يكون مغنى انا شايفه انه ناجح فى الاتنين وفى طبعا شواهد كتير زى ايرادات افلامه (سيد العاطفى وحاله حب) وكمان نسبه مبيعات شرايطه(حب - عينيا بتحبك
بيجى فى القنوات بريئ ومالوش فى حاجه ومحترم وذات خلق و
عطوف وحنين وحبيب وانه اتخان ولكن عمره مايخون ودا كله مش صح
مين قالك ان ده مش صح اعتقد ان دى حاجه ربنا لوحده اعلم بيها وبعدين فعلا فيه الصفات دى بشهاده كل الناس
بس الحقيقى بقه ان فى ناس كتيره جدا جدا احق اننا نبقى من معجبيها عن تيمو واساسا الفئه دى بتاعه الممثلين والمغنين فئه تعبانه يعنى .

اكيد طبعا فى ناس كتير جداااااااااااااااا احق اننا نكون من معجبينها عن تامر دى عندك حق فيه لانه طبعا فى ناس احسن منه كتير وفى ناس اوحش منه كتير يعنى الدنيا فيها كل حاجه
اصل الواحد ببشوف حاجات غريبه يعنى ممكن تقولو اغرب من هانى نفسه :) ان البنات معجبه بيه قوى وباخباره
ومافيش حد بيسال عنى :D :D
هههههههههههههههههههههههههههههههههههه لو الموضوع كده يا سيدى وكل الهجوم ده عشان كده يبقى سهله هبقى اخلى اصحابى البنات يسالو عليك :D
دا واحد غنى لمصر ولو كنا بنحبها وبتاع وهوا اصلا متهرب من الجيش ومعجبيه زعلو قوى انه اتقبض عليه ياسلام
هوا مش راجل ولا ايه ؟ والمفروض يأدى الخدمه ولا هوا بيحبها على التليفزيون بس ..
اولا هو من حقه انه يحب مصر زى اى حد وبعدين انا مش حقولك انه مغلطش اه هو غلط بس هو مش ملاك عشان ميغلطش هاتلى حد فى الدنيا دى كلها معندوش غلطات اكيد كلنا عندنا غلطات وغلطات كبيرة كمان اصل مفيش انسان معصوم من الخطأ
واكيد طبعا معجبيه زعلو عليه لما اتسجن لانهم بيحبو واظن ان اى حد بيحب اى حد يبقى من حقوانه يزعل عليه لما يوقع فى مشكله لو ده محصلش يبقى الدنيا مش حيبقى فيها خير ولا الناس فيها خير
وبعدين اعتقد ان 99%من شبابنا نفسهم يتخلصو من موضوع الخدمه العسكريه دى واكيد انت كده وكل الشباب كده ولو جتلهم الفرصه حيتخلصو من الخدمه العسكريه على طول
انا عن نفسى بسمعله بس مش لدرجه انى اعرف اخباره وكلام من دا وصوره وبتاع . طبعا سواء هوا ولا كل الشله
بتاعته واللى زيه يعنى بس هوا اخد اكتر من حقه جامد يعنى ..
ماهو مش كل الناس حتهتم انها تعرف اخباره
هو مخدش اكتر من حقه ولا حاجه هو بس خد حقه لانه بجد فنان جامد ويستحق كده وبعدين هو مش مغنى بس ده مغنى وممثل ومؤلف وملحن وبيكتب قصص افلام
وفى النهايه احب اقول ان الكلام دا لا يمس معجبينه بشيئ . انا بحبهم يعنى بس هوا لأااااا و...... بس
البروف
هههههههههههههههههه ماشى يا سيدى بردو اختلاف الراى لايفسد للود قضيه وكل واحد حر يحب مين وميحبش مسن
لولو

اهلا يا مرمر .. نعم .. بتقولى ايه بقى

تامر غنى عن التعريف والله انتى عندك حق لان للاسف الناس دى هيا الى بقت معروفه ومشهوره بس نعمل ايه اذا كان اصلا اللى بيشهرهم وكده احنا وتيمو جه وتيمو راح وتيمو دلوقتى بيغنى فين وتيمو راح السجن " او نوووو ماى جاد " ازاى تيمو البرئ دا يروح السجن والجيش مش حرام عليهم الظلمه دا تيمو مايستحملش .
وعلى فكره دا من علامات يوم القيامه والله ان ادنى القوم هما الى يظهرو ويشتهروا و الناس اللى المفروض تتعرف لانهم يستحقو ولا حد يعرف عنهم ولا بيسمعلهم وطبعا دا اللى حاصل ..
وبعدين يا لولو دانتى مشرفه منتدى تامر حسنى وبتحبى تكتبى كل اخباره وصوره ازاى بقى بتقولى انك مش مع الناس اللى بتمووت فيه ؟ يعنى انتى شايفه انه الشخص دا يستحق اننا نعمل علشانه منتدى والناس تدخل مخصوص علشانه وعلشان تعرف اخباره وهوا بيعمل ايه دلوقتى وبعين كفاح ايه بس اللى بتتكلمى عنه دا واحد صوته حلو قال لما يغنى ضربت معاه وبيقبض اكتر من ناس كتير جدا بتشقى فعلا وتتعب وبيطلع عينها علشان تجيب "0.00001 " من اللى معاه وتقوليلى كفاح . كفاح ايه بس اللى بيكافحو انتى بتسمى الغنا والتمثيل كفاح ؟!!
وبعدين ان امااقعدتش اقول لازم يا جماعه نخدم الوطن وبتاع والجيش دا حاجه وطنيه وواجب وكلام من دا . لا انا عاارف انه وحش الجيش وحش ومالهوش لازمه لكن هوا بقه " وبنحبها وبتاع وندافع عنها " . وبعدين انتى بتقولى انه عطوف وحنين وبتاع . دا ابعد ما يكون عن الصفات الحلوه دى والله وللاسف احنا مخدوعين فيهم للاسف يعنى وماشين وراهم وبنعليهم وهما تحتنا والله . بنعليهم علشان يدوسو علينا
وفى النهايه بشكر طبعا الكل باطل حبيبى وصديقى وإزى :D على مجهوداته وطبعا الباشا الكبير مؤمن لانه ساندنا ولولو طبعا لانها ردت رد جميل زيها وبالمره بقى اشكر كمان مرمر :D :P لانها رفعت من ضغطنا شويه " كان نازل عندى " ومابشكرك خالص بقه تامر

لاء و جاي علي نفسك ليه :twisted:
بص و لا كاني دخلت:evil:
بس يا بروف
هقولك علي حاجه انا عارفه ان اللي معمول لتيمو بروباجنده غير عاديه
بس مننكرش ان تامر موهوب بجد
و في غيره طبعا موهوبين
بس شوف برضه مثلا عبد الحليم و اللي اتعمل له لما مات (مفيش مقارنه بينهم بس اهو من نفس النوع) طبعا مهما تان كان لو كان شيخ الازهر مش منطقي و لا حلال ان حد ينتحر عشان حد
و تامر حب الناس ليه هو الي خلي له منتديات و اقسام في كل المنتديات و كل الناس بتحبو
مش ذنبه ان الناس بتحبه و عامله عشانه كده
مهو في كتير بيغنو و ملهمش لازمه و لا هي جات علي المسكين
بالنسبه لموضوع الجيش طبعا تامر غلطان و محدش ينكر و مفيهاش كلام
بس الانسان بيعيش عشان يتعلم من اخطائه و اللي في بلدنا مش جيش فمنلموش اوي يعني لانه مهربش من حرب
تقدر تقولي اللي دخلو الجيش عملو ايه؟
و لا حاجه فمهربش من حرب يعني و بعدين ممليون شاب مبيدخلش الجيش
و انت نفسك تلاقيك مكنتش عايز تتدخل الجيش
لانه مش جيش ده نظام استهبال كده
حاجه لا بتقدم و لا تاخر
عموما انا طولت عليك
بس لسه مخلصتش كلامي
انتظرني
لـــــــــــ عوده ــــــــــي

هههههههههه مرمر ازيك .. انا كنت بهزر معاكى طبعا
بس احب اقولك ان تامر عادى والله وولا الناس بتحبه ولا حاجه دا الشباب الفاضى هما الى بيحبوه انتى عارفه لو كان الشباب شايف مصلحته كويس و الكل بيشغل والكل ماشى فى السكه الصح ماكنش فى حاجه اسمها تامر اصلا .. يا بنتى دا مغنى انتى فاهمه يعنى ايه مغنى يعنى مالهوش شغلانه غير انه يغنى مش مفيد للدوله ولا للاسلام باى حاجه بل بالعكس دا مضر لاتنين والله سواء للاسلام فى الاول طبعا والدوله لانه بيخلى الشباب تافهه وهايف . والله انا مره شوفت واحد فى الجامعه مقلده فى الشكل والتسريحه " الجميله قوى " بتاعته ونفس كل حاجه وفرحان طبعا بنفسه لانه شبه تامر بالزمه دى مش هيافه بدل لما نلبس محترم ونمشى محترمين لا نقلد تيمو " كووول " اومال حال البلد مايل ليه بس ماهو من كده والله وخدى بالك من حاجه مهمه " من احب قوما حشر معهم " فا يا ريت نحب غيره يعنى ماعتقدش ان هوا دا اللى احب انى احشر معه ..
وبعدين انا مبسوط طبعا ان انتى رديتى ومستنى رد كمان :P

:) :) :) :) بصوا بقى يا جماعة

_ احنا اتخلقنا فى الحياة دى مع اختلاف الاراء والاذواق والعادات والتفكير والا كانت تبقى حياتنا تقريبا مملة
_ وكل واحد مسموح له انه يقول رايه والجميع يقدر له كل الاحترام والتقدير مادام الطرفين فى حدود الادب والاحترام
___ وبصراحة كل اللى هنا بجد من اكتر الناس احتراما انا عرفتهم على مر حياتى

_ بالنسبة لموضوع تامر حسنى (تيموو)
انا مثلا من المعجبين بيه وكلمة معجب دى بتختلف من واحد للتانى فمعجب دى
عند نوع من البشر : فتى احلامى مهوسة بيه بموت فيه والكلام ده
وعند نوع تانى :لا بحب استايله لاقصة شعره لا طريقة كلامه لا لبسه لا00000
وعند نوع تالت : ده زى القمر يا خلاسى داانا لو شفته ممكن يغمى عليا * طيب ليه يا جماعة تامر انسان عادى زينا والله وكلنا ولاد تسعة ولاهو ابن البطة البيضة واحنا ولاد 000 البطة السودة *
والنوع اللى انا بنتمى له : بحب صوته واحساسه وهو بيغنى وكلامته ليس اكتر او اقل

__ ومع ذلك ليه بنعلق عليه غلط معجبينه المفروض منبقاش قاسيين فى الحكم هوه كان قال لدى اتهبلى بيا ولا قال دى اتهوسى وشدى فى شعرك الغلط فينا احنا والطريقة اللى بنفكر فيها فى التعبير عن الاعجاب ليه ميبقاش بطريقة يحترمها الجميع واولهم انت يبقى الذنب مش ذنبه
__ اى مطرب فى العالم يتمنى ويحب يكون ليه معجبين ومحبيبن بيه يعبروا عن اعجابهم بأى طريقة

__ بس احنا اللى بنحدد الطريقة صح ولا غلط ؟؟
__وبالنسبة يا ماجد لموضوع مبتنمش غير لما تشوف صورته اللى معلاقها دى ده اسمه هبل مصدقاه اقولك تيجى نعلن عنها فى اكبر شركات الادوية لعلاج الارق
__ تامر حسنى مطرب له معجبينه ومهوسينه وهو حابب كده وحابب حياته كده وده من حقه برده واظن كل واحد حر فى حياته وبيختارها بالطريقة اللى تناسبه وبالنسبة لموضوع فسخ الخطوبة ده ميت واحد بيفسخ خطوبته لاسباب اهيف من كده بس الفرق انه مش عليه الضوء
__ وما اكثر الاشاعات فى الوسط الفنى 000000 قصدى كله اشاعات
مااااااااعلينا __تامر حسنى __ مطرب جميل وله احساسه الخاص
وفى الاخر برده بقول يااااااااااااااجماعة
اختلاف الراى ميقطعش للبت جلابية:D :D :D :D

السلام عليكم ورحمه الله وبركاته

انت بتتكلم عن الرجوله وعن الشخصيات اللى بتعشق الاخ تامر

عشق والعياذ بالله

بس على فكرة فى ناس العن واضل من كده

وربنا يهدى الجميع

وانا عن نفسى هقول رائى اهو

والاختلاف فى الرى لا يفسد للود قضية


بعد اذن الجميع ومع احترام كل الاراء

انا بصراحه مش هتكلم من ناحية الاعجاب والانتقاد

انا هتكلم من ناحية الدين والشرع والتوحيد

وهتكلم عن الغناء عامة

سيبكم بقى من تامر وعمرو وشرين ومش عارف مين

اولا الغناء حرام

الدليل
من القرآن الكريم

قال الله تعالى مخاطبا ابليس ( واستفزز من استطعت منهم بصوتكـ واجلب عليهم بخيلكـ ورجلكـ وشاركهم فى الاموال والاولاد وعدهم وما يعدهم الشيطان الا غرورا )

فسر مجاهد كلمه (بصوتكـ) بانها الغناء والمزامير

وقال الله تعالى ( ومن الناس من يشترى لهو الحديث ليضل عن سبيل الله بغير علم ويتخذها هزوا اولئكـ لهم عذاب مهين )

أقسم ابن مسعود رضى الله عنه ان المرا بــ ( لهو الحديث ) هو الغناء

من السنة

يقول رسول الله صلى الله عليه وسلم ( ليكونن من امتى اقوام يستحلون الحر والحرير والخمر والمعازف )
وهذالحديث من نبوءات النى صلى الله عليه وسلم التى نراها الان حيث يستمع الناس الى المعازف ولا ينتبهون الى انها حرام بل ويستحلون ذلكـ

وعن انس رضى الله عنه مرفوعا (ليكونن فى هذة الامه خسف وقصف ومسخ وذلكـ اذا شربو الخمر واتخذوا القينات وضربو بالمعازف )

( القينات ) هى المغنيات وهذا الحديث من نبوءات النبى صلى الله عليه وسلم التى نخشى ان تقع فينا فقد حدث ما حذر النبى صلى الله عليه وسلم من عواقبه

على فكرة انا ازهرى
يعنى لو حد عايز يناقشنى فى اى حاجه انا تحت امره فى اى وقت
ده من حيث حله الغناء وحرمانه
بس انا عايز اقول حاجه لاى انسان
والله الكلام ده مهيفيدكـ فى اى حاجه
دا بالعكس هيضركـ
ونصيحه منى لاى انسان
لو قريت القرآن الكريم ولو فى اليوم آيه
خير من الف اغنية فى اليوم
وربنا يهدى الجميع ويا ريت ميكونش حد زعل منى
او ادايق من كلامى

ليدر بجد مفيش كلام يتقال بعد ردك اعتقد انك قلت كل المفيد مش حقلك حاجه غير جزاك الله كل خير وربنا يحميك ويوفقك يارب

ربنا يكرمك ياليدر على ردك ده

وفعلا على رأيك ياماجد مش للدرجه دى
وكمان يالولو خليكى فرى شويه
زى ما بتحبى تناقدى اتقبلى النقد
الله

ياجماعه ايه اللى انتم فيه ده
دى مصيبه سودة
ياربى عليكم
ايه اللى حصل
تيمو مين
اه انا بحب اسمعه عشان احساسه رائع
اوكى
بس مش معنى كده
انى انام واقوم واروح اى حته وهو معايا
مش للدرجه دى
اوكى
بسمع اغنيات ليه بفتكر ذكريات وناس فاتت على حياتى
بس مش عشان كده
اقول انا بعشق تيمو
انا هجن
هو فى ايه مالكم
هتقابلوا ربنا وتقوقلوله اصل احنا كنا بنحب تيمو
لا اله الا الله
سيدنا محمد رسول الله
الواحد هيخرج عن وعيه الطبيعى
وربنا يهدى
بجد
ربنا يهدى



سلام

مين قالك يا لحظه انى ما تقبلتش النقد بالعكس انا تقبلته جدااااااااا انا كمان مش بسميه نقد انا بسميه نصيحه لان دول اخواتى يعنى لما يقولولى على حاجه فيا انا بعتبرهم بينصحونى وخايفين عليا مش بينتقدونى
وبعدين انا احترمت رايهم كلهم جداااااااا يعنى:
ياسر انا اه اتناقشت معاه فى كلامه بس مجرد نقاش لانى من حقى انى اقول رايي فى كلامه وبعدين هو بردو يقول رايه فى كلامى ويشوفنى لو قايله حاجه غلط يقولى عليها
ماجد طبعا انا محترمه رايه جداااااااااااااااا اخويا وبينصحنى لازم اتقبل نصيحته
ليدر بقى انا بجد قدرتش اكلم نص كلمه قدام رده وانا والله احترمته جداااااااااااا بعد الرد ده يعنى واحد بيرد عليا من القران والسنه لازم غصب عنى اتقبل كلامه
وبجد يا جماعه لو حد فيكو شايف سؤاء ليدر او ماجد او ياسر انى ماتقبلتش نقده او انى كلمت حد فيكو بطريقه مش كويسه فانا اسفه