كنـ ـ ـ ـ ـ ـ ـبـ ـ ـة الاعـ ـ ـ ـ ـ ـ ـ ـ ـتـ ـرافـ ـ

شكرا على الثقة الغالية دى بس انا مش بتاع اعترافافت

انا كمان بقول ديفل

يا شماتة ابلة ظاظا فيا امرنا لله

ابله ظاظا مين
هههههههههههههههههههههه

اما اعرف هقولك

اه هو انتى جيتى

الاسم : احمد


السن الحقيقى : 18 الحكومى : 17

اكتر حاجة بكرها فى نفسى انى بحب اكون لوحدى :(

اكتر حاجة بحبها فى نفسى انى سعات بحس انى مختلف عن غيرى :D

طموحى فى الحياة ان ربنا يهدينى واقدر ابنى مستقبل كويس يريحنى فى حياتى

اكتر موقف حرجنى فى حياتى قبل واحد مبيعرفش انجلش وهو خارج من غير ما اقصد بقوله where are u going لقيته زعل وقعد يزعق :(


الاسم ده حكايته حكاية واحنا بنلعب ميدل اوف هونر كزنت انا بطلع الاول على طول وكلهم بيلعبو بازوكا وانا رشاش او شوت جن وانا ا لاول فا كانو مسمينى الشيطان

فاسميت نفسى ديفل باك :)

احساس هبقى اقولك عليه لما احدفك بعربية بطيخ بحس انى بقيت زرعة :)

محدش يسأل تانى والا هتسناه بره على المنتدى ويبقى يومه باين من اخره :pirat:

ديفل سوري هضطر اسالك

1. كام مرة حبيت ؟
2.ايه نوع البرفان اللى تحبو ؟
3.ايه احلى اسم تحبيو بنت وولد ؟
4.ايه هوايتك ؟
وكفايه عليك :)

انا محبتش الا مرة واحدة والحمد لله اتخطبت

نوع البرفان سيجار او هوجو

الولاد فهد

البنات نور

هواياتى الكمبيوتر والاننترنت العاب الكمبيوتر

كرة القدم

الكتابة على الصور

قراءة التاريخ ومجالات العامةد


بكره المدارس كولها

هاي
اسئل انا
انت في كليه ايه؟
اكتر اكله بتحبها
يعني ايه حب بالنسبه لك

هي دية الاسئلة

ايه مش عاجباك الاسئله ولاايه :D ؟؟

لا عجبانى هو انا اللي هجاوب
شكلك كدة نوياها زى المرة اللي فاتت

لية بائة الدحكة دية يارب استر
بعدين اية النيولوك دة بجد كلو رومنسية

mrmr150 كتب:هاي
اسئل انا
انت في كليه ايه؟
اكتر اكله بتحبها
يعني ايه حب بالنسبه لك

اولا انا مش فى كلية معهد سياحة وفنادق

اكتر اكلة بحبها الفراخ المشوية

الحب بالنسبة عامل زى نوعين من الحاجة الاساقعة الفيروز والبيرل

فى اوله بيبقى حلو وبيفضل حلو ول عاش

بيبقى زى البيرل لو فشل بيبقى مر جدااا

ده الحب بالنسبة لى

فـ الـقـريـة ـارس كتب:

بــــــــــــــــــــاك لية في الموضوع

مين معانا الاخ ديفل علي الرحب وسعة

انت بائة وقعت تحت ايد اللي ميرحمش

سوالي هو ؟؟؟؟؟؟؟؟؟؟؟؟

كان احساسك اية لما عرفت انها اتخطبط ؟؟

بصراحة ياعم ديفيل ...........

مبيرحمش ليه انتا حتى راجل عسل


باك علشان كونت بطلت العب فترة ورجعت تانى

علشان الصراحة مش هضحك عليك واقولك فضلت نايم فى البيت شهر ونص

ولا الكلام ده

كل ا للى عملتو روحت قعدت ادام البحر وكان نفسى اعيط بس اصحابى طبو عليا بس كانت ايام صعبة محدش من اصحابى كان بيحاول يقرب منى فى الفترة دى علشان هما عارفين لما بكون مضايق

sh3noOoNa كتب:

:roll:

مشمش

مين اقرب الناس ليك في المنتدى ...؟؟

اكتر حد مش طايقه في المنتدى ..؟؟

انتا راضي عن نفسك ولا لأ .. ولو راضي .. بنسبة كام في الميه ..؟؟

اكتر موقف بتفتكره وتضحك ..؟؟

ايه هدفك في الحياه ..؟؟

ايه الحاجه اللي في قيمة (( الالماس )) في حياتك..؟؟

ايه انتمائك الكروي .. بمعنى .. بتشجع مين من الانديه :D ؟؟

ايه احسن كتاب قريته .. وليه ؟؟

وبسسسسسسسسسسسسسسسسسسسسسسسسسسسسسسسسس:pirat:

انا مش مشمش


علشان كدا مش هجاوب

ولا الاسئلة دى ليا يبقى الاجابة اهى

اقرب واحد ليا فى فى المنتدى المصارع علشان احنا مع بعض فى المعهد وهو راجل زى العسل


بصراحة مش لاقى حد اكرهه اى نعم العمدة علشان موضوع همسة عتاب انا كونت زعلت منو بس الوقتى بنقعد نرغى مع بعض على الميل وحبايب


والله انا ساعات بحس انى راضى عن نفسى وساعات لاء


اكتر موقف بفتكره واضحك مش فاكر والله او ما افتكر هقولوكو

كان هدفى وانا صغيير ايام ما كونت بقرأ رجل المستحيل انى اكون ظابط مخابرات (تأثر بقا )


حاليا هدفى انى اقر ارضى ربنا و اقدر اكون نفسى واقدر اكون راجل قد اى مسئولية تيجى على اكتافى

الحاجة اللى فى قيمة الالماس عندى ويمكن اكتر امى وابويا لانى من غيرهم مكونت اقدر اكون حاجة والفضل لله ثم ليهم وتشجيعهم على طول ليا


انا بشجع الاهلى


احسن كتاب قريته اكتر من كتاب بس هقولك على شوية منهم

قصة حياة اودلف هتلر ___ العاب علمية تأليف هانز بريس ___ الجزء السابع والعشرون من وصف مصر لعلماء الحملة الفرنسية ـــــ دول اللى انا فاكره الواقتى طبعا بستثناء الكتب الدينية للشيخ محمد متولى الشعراوى وكت ورايات مصرية للجيب زى فلاش وشماش ورجل المستحيل وملف المستقبل بس دول بطلت اقراهم

طيب كويس والله دة انا اعرف ناس بيتقلب معاهم عم
الحمد الله انك مش منهم

المهم السوال الجي هوووو

مين الانسان الانسانة اللي تحب يكون معاك وانت لوحدك ؟؟


جاوب ياعسل