ميرسيى يا قمر على الكلام الجميل فى حقى
على ايه ياليدر والله الكلام ده بجد ومن قلبى
وربنا يدمها محبه
امين يارب
اخد فرصتى بقى
اتفضل :silent:
1-- هل حققتى ما كنتى قد أختريته أو حلمتى به؟
لغايه دلوقتى الى حد كبير اه يعنى يعتبر اكبر حلم كان عندى انى ادخل كليه هندسه والحمد لله ربنا وفقنى ودخلتها
2- ما هي نسبة تحقق أحلامك بالمقارنة مع واقعك؟
يعنى مش كتير ما يكملش 30% انا لسه فى اول حياتى خالص فيعتبر لسه محققتش حاجه غير انى ادخل الكليه اللى انا عايزاها لسه نفسى انى اشتغل انى يبقى ليا اسرة وبيت واطفال
3- - ايه رئيك فى شخصيتك؟ ولو مش عاجباكى ,, ليه؟ وايه الصفة الى مش موجودة فيكى وتتمنى وجودها؟ والصفة الى موجودة ونفسك تتخلص منها؟
مش عارفه ياليدر والله انا شايفه ان اللى حوليا هما اللى مفروض يحكمو على شخصيتى مش انا اللى احكم عليها
الصفه اللى مش موجوده فيه ونفسى تبقى موجوده هى الجرأه والشجاعه
الصفه بقى اللى موجوده فيا ونفسى اتخلص منها هى العصبيه
4- هل دمعتك قريبة؟ ولو ضاقت بيكى الدنيا لمين بتلجأى بعد ربنا سبحانه وتعالى ومن تخجلى انك تبكى ادامه؟ وايه اكتر حاجة تحسسك انك مخنوقه من نفسك ومن الى حواليكى؟
لا بجد من اكبر مشاكلى ان انا مش بعرف اعيط بسهوله او بمعنى اصح عينيا مش بتعيط بس بيبقى قلبى هو اللى بيعيط بس والله ببقى نفسى ادمع عشان استريح
لو ضاقت بيا الدنيا حلجأ بعد ربنا سبحانه وتعالى لحد من اصحابى او لاخواتى وماما
اكتر حاجه بتحسسنى انى مخنوقه من نفسى ومن اللى حواليا هى لما النت يفصل:oops: او لما احس ان محدش فاهمنى او حاسس بيا
5- اصعب يوم ما تنسهوش ابداااا؟ احلى يوم مر عليكى فى حياتك؟
اصعب يوم مش بنساه هويوم وفاه جوز خالتى الله يرحمه
واحلى يوم مر عليا فى حياتى هو يوم لما اختى جابت هنا بنتها ربنا يخليهالى يارب
ويوم لما شوفت تامر حسنى :oops:
6-امته بتحبى تخلو بنفسك؟ وايه الأغنية الى بتفكرك بموقف ما بتنسهوش؟
انا بحب اخلو بنفسى كتير خاصه لما اكون مضايقه او زعلانه
الاغنيه اللى بتفكرنى بموقف ما بنسهوش هى اغنيه اما نعيمه عشان كنا بنغنيها كلنا فى المدرسه وبعدين وكيله الدور دخلت وانا ماشوفتهاش فكل اصحابى سكتو ماعدا انا اللى اعدت اغنى وبعدين ببص لقتها ورايا فعملتلى انذار:oops:
7- رجع بيكى الزمن ولمدة دقيقة تقولى فيها (( انا اسفه)) ,, لمين؟ وقتها هتتغير حياتك اد ايه؟
الحمد لله مش حقولها لحد لانى معتقدش انى مزعله حد منى 8-رئيك بحال الشباب والبنات فى زمنا,, من جميع النواحى؟ وايه السلوك الى مدايقاك فى المجتمع ونفسك تغيريه؟
ربنا يهديهم كلهم يارب والله فى منهم الحلو وفى الوحش بس بجد نفسى كلهم يراعو ربنا فى تتصرفاتهم
السلوك اللى نفسى اغيرة فى المجتمع هو الانانيه وان محدش بيفكر غير فى نفسه وبس من غير ما يبص للمجتمع واللى حواليه لو كل واحد مقلش مش حتيجى عليا او مش حتفرق على واحد مش هيبقى ده حالنا خالص
9- ربنا وهبك 3 امنيات,, ياترى هيكونوا ايه؟ ولو معاكى باقة شوك تهديها لمين؟ وباقة ورد تهديها لمين؟ ا- انى احفظ القران واعمل بيه
2- انى اتخرج من الكليه
3- انى اشتغل
لو معايا باقه شوك بج مش حديها لحد ولو لازم اديها لحد يبقى حخدها انا
لو معايا باقه ورود حديها لمامتى
10- واخيررا وبصراحة ( اية رايك فى لـــيدر) مميزات وعيوووب؟؟؟
( من خلال تواجده معاكم فى المنتدى )
ليدر بجد انت انسان محترم اوى وطيب وبحس انك عسول خالص ربنا يحميك يارب ويوفقك فى حياتك دى مميزاتك اللى ظاهرة قدامى لغايه دلوقتى واكيد لسه فيك حاجات حلوة كتير هعرفها لما نتعامل مع بعض اكتر
بالنسبه لعيوبك طبعا مفيش حد كامل ومفيش حد مفيهوش عيوب بس انا لغايه دلوقتى بجد مشوفتش فيك عيوب اوى اى حاجه وحشه
بالتوفيق يا قمر
ربنا يخليك يا جميل
