السلامو عليكو
يوم 24/8 الساعه 5:00 فجرا ً حبيت أغير جوو و أدخل شات و طبعا ً دخلت شات بعد إنقطاع دام
5 سنين
و انا فى الشات لاقيت كده لوجو عاجبنى و النيم بتاع صاحبت اللوجو إسمه " نيللى "
فتعرفت عليها و بتاع و قالت لى إن إسمها مى عندها 25 سنه من بنها و مش مخطوبه ولا متجوزه
المهم اتكلمنا كتير و فضلنا نضحك و نهزر و قولت لها كفايه كده انا هدخل أنام نكمل بكره و بتاع فقالت لى إنها
عايزه الإيميل بتاعى و بتاع
انا قولت لها إنى هديهولها بعدين ووافقت و اتفقنا على ميعاد ندخل فيه شات تانى يوم
جيه بقه يوم 25/8 " اللى هوه التانى يوم اللى كنت بقولكم عليه "، اللى هوه المفروض يعنى يكون عيد ميلادى و دخلت الشات الساعه 11:00 مساءا ً زى ما اتفقنا و اتكلمنا مع بعض و كده و فى وسط الكلام قالت لى إنها بتتعالج من مرض السرطان
فصعبت عليا و قولت لها هاتى الإيميل بتاعك لما أضيفك و كده
قامت جابت لى الإيميل و قالت لى أحلف إن إحنا نبقا أصحاب على طول
حلفت طبعا ً و ادبست
و لما ضفتها عندى ع الإيميل
حصلت الكارثه
قالت لى انا كان فيه حاجه مخبيها عنك قولت لها اتفضلى قولى عايزه تقولى إيه
قالت لى إن إسمها الحقيقى عفاف و عندها 40 سنه و أرمله و عندها 4 أولاد و من الإسماعيليه
بجد اصدمــــــــــــــــــــــــــــــــــت
لا و إيه وريتنى صورتها كمااااان
يعنى بجد شويه و كنت هرجع وانا قاعد
انا مش فاهم هيه ليه عملت كده و بعدين دى واحده ست عندها 40 سنه يعنى المفروض متدخلشى شات أصلا ً
و بصراحه كده انا اتعقدت من ساعتها أدخل شات تانى فى الزمن دا
دا الشات ما شاء الله تطور دلوقتى
بقه بيدخل عليه ناس فى الأربعينات و الخمسينات و الستينات ما شاء الله يعنى
و لا إيه يشتغلوك بقه و يقولولك إنهم صغيرين و عساسيل و إنت ياعينى " يا حسره عليها يا حسره عليها "
مستنى تعليقتكم فى الموضوع دا